𝐌𝐏𝐑𝐌 𝐊𝐎𝐎𝐋𝐀𝐁𝐎𝐑𝐀 𝐇𝐎 𝐄𝐗𝐄𝐊𝐔𝐓𝐈𝐕𝐔 𝐖𝐎𝐎𝐃𝐒𝐈𝐃𝐄 𝐄𝐍𝐄𝐑𝐆𝐘 𝐁𝐀 𝐃𝐄𝐙𝐄𝐍𝐕𝐎𝐋𝐕𝐈𝐌𝐄𝐍𝐓𝐔 𝐆𝐑𝐄𝐀𝐓𝐄𝐑 𝐒𝐔𝐍𝐑𝐈𝐒𝐄 𝐈𝐇𝐀 𝐅𝐔𝐓𝐔𝐑𝐔

Sua Eselénsia Ministru Petróleu no Rekursus Minerais, Francisco da Costa Monteiro, simu exekutivu husi Woodside Energy hodi halo dikussaun importante, konsentra ba servisu no planu estratéjiku ba projektu Greater Sunrise. Reflete ba komprimissu Governu Konstitusionál da-sia, Sua Eselénsia Ministru, hato’o aspirasaun Timor-Leste nian hodi lori gazodutu mai Timor-Leste no destaka importánsia husi projektu ne’e ba dezenvolvimentu global.

Durante enkontru, Governante ne’e husu ba Woodside no parseiru Joint Venture atu koolabora hodi retoma diskussaun no negosiasaun kona-ba kontratu partilla ba produsaun (PSCs – Sigla iha Inglez). Sua Eselénsia Ministru mos destaka benefisiu ne’ebé hetan husi renovasaun diálogu importante ne’e.

Além de ne’e, Governante mos rona atentu tebes prespetiva husi Woodside kona-ba nesesidade atu halo estudu ba selesaun konseitu iha futuru. Enkontru ida ne’e, hanesan pasu importante hodi halo aliñamentu ba vizaun no aspirasaun ba parte interessadas sira ne’ebé mak envolve iha Greater Sunrise.